Brautwahl
von Fritz Klabustrijkeit
"Fritz", - säd de oahle Buer Briehe,
"Mien Sähn, Du mottst jätz oak boal friee.
Säck Di e hibschet Mäke ut,
Un moak ehr denn to Dine Brut.
Höbsch mott se sinn, onn ingelsjliek,
Onn silwst, wenn de Marjell nich riek,
Vor ehre Scheenheit mottst bedammle,
Datt bie dem Antrag bloß kannst stammle.
Un denn, mien Sähn, - denk man daran,
Un gloaw mie man als ohler Mann,
Jild mott se hebbe, - scheffelweis.
Denn Jild moakt jlicklich! Dat's nuscht Nei's.
Sovähl vom Zaster mott dran kläwe,
Datt Du jenauch häst fär Din Läwe.
Sovähl, datt ehr kannst hebbe läw,
Silwst wenn se pucklich, kromm un schef."
Aus: "Aecht Ostpreißisch"
herausgegeben 1937 vom Sturmverlag Gmbh., Zweigniederlassung Insterburg
zum Gedichtverzeichnis
|