Isidor
Daniel Staschus
Disser Mann möt witte Hoar
On möt Noame Isidor
Heft, wie man vertällt, vor lange
Joahre ganz kleen angefange,
On dann nach on nach ganz sacht,
Ändlich doch to Wat gebracht.
Bit he wör ganz kromm on loahm,
Drog he sinem Pungelkroam
Fast dorch alle Herre Länder,
Handelte möt Fizzelbänder,
Bonte Döker on Kallmock
För dem warme Onderrock.
Uterdem ok moakde he
Ön Pasorre, Portsmaneh,
Luseharke, Piep on Brosche,
Bölderkes för halwe Grosche,
Kort on good, ön Allerlai
Möt Gesaires on Auwaih!
Wör nich knuserig, nich gnietsch,
Allen göw he Margarietsch,
Noadelkes möt scheene bunte
Köpp för sine beste Kunde,
Göw manchmoal, wenn ok nich geern,
Föngerhot on Rollke Tweern.
Wör ok kleen sin Kroamgeschäft,
Dennoch möt de Tied he heft
Öngerichtet söck e Loade
Noah de allernieste Mode,
On ös nu öm ganze Land
Als een Porretz he bekannt.
Als he fiefonsäwentig
Joahre hadde hinde söck,
Köme to em väle Mönsche
Om em Goodeglöck to wönsche,
Sölwst sin argster Konkurent
Köm möt Wönsche angerennt.
On he säd tom Isidor:
"Auch iach wünsch dem Jubilor,
Daß Gott der Gerechte gebben
Möchte ihm ain langes Lebben
Und ihn lassen werden alt
Hundert Jarre, - aber bald!"
Quelle: "Kuddelmuddel"
von Daniel Staschus
zum Gedichtverzeichnis
|