Bim Middagsdösch
Von Friedrich Erich Petukat
To Hus, da hucke all de Range
Wie ömmer an dem Mödaggsdösch,
Dat öß ok allet got gegange,
Bös hüt bie de gekochte Fösch.
Bi disem scheene Gumekitzel
Se ludschde görn e halwe Doag,
Wenn allet ok to fäl se sonst wär,
Det Fräte moagd se niemals Ploag.
Doch wie et ömmer ös im Läwe.
Folgd oppem Glöck ok bald e Schreck;
So föl dim Ölste von de Junges
Pardauks e Teller önnem Dreck.
Der Voader fangd nu an to Broatsche:
"Du oller Kalwskopp, schäm di man!
Anstatt, dat du so dammlig gnidderst.
Knöpp löwer man de Ohre an . . .
Du schienst wohl noch nich recht to wäte,
Wat so e Kalw bedit, du Sinder -?"
"Doch Voaderche - dat wät ök ok schon,
Dat sind vom Rind de klene Kinder!"
Quelle: F. E. Petukat "Hübsch hoch den Kopf ihr lieben Leute"
zum Gedichtverzeichnis
|