Dat Orjenal
Von Alfred Otto Dietrich
De Kämmrer Blunk ut Frankedoahl,
dat wär een rechtjet "Orjenal".
Sien Herr, Baron von Flederwesch,
huckt met de gnädje Fru bie Desch,
als seek de Blunk do melde lett,
wiel he wat to vertelle hätt.
De Herr Baron, de reep em ren
on säd, he sull seck hucke hen.
De Jnädje frog met Gönnermien,
opp Blunk denn Gleck hefft möt de Schwien.
De Blunk seggt: "Dank scheen, jnädje Fru,
ersch jistre farkelt onsre Su;
dertige Ferkel hefft dat Dehr
on bloß twelf Zitze, keinem mehr."
De Jnädje schlackert mettem Kopp.
Richt seck vom Ete orndlich opp
on seggt: "Was macht das kleine Schwein,
das nun das dreizehnte muß sein?"
Do säd de Blunk: "Dem jeiht dat so,
wie mie dat jeiht, dat huckt denn do,
on kickt denn to, wie andre fräte,
dem hefft de lewe Gott vagäte."
Da lacht der Herr von Flederwesch,
winkt sienem Kämmrer anne Desch.
"Hier greif er tüchtig zu einmal.
Er ist und bleibt ein Or'ginal!"
Quelle: "Lorbasse und andere Leutchen",
erschienen 1995 im Verlag Gerhard Rautenberg, Leer
zum Gedichtverzeichnis
|