De Prüfung
Von Wilhelm Reichermann
Een jeder, wo önn disser Welt
Wat als Beamter angestellt,
Besondersch wenn he königlich,
De wat geprüft gewöhniglich;
Mott sien Exoame ärscht afflegge
Onn wat he weet, dat mott he segge.
So ook een Wärter vo ne Boahn,
De Mann wör sonst kein Dommerjoahn,
Besondersch fein önn Relijohn,
Bestund he sien Exoame schon.
Joa, Relijohn, dat wör sien Fack !
Jedoch ömm Räkne wör he schwack,
Ömm Kopp besondersch ging et schlecht,
Da köhm he nich so recht met trecht.
Doch - wenn em dat ook nich behoagt ?
Dat hulp em nuscht, he wurd gefroagt:
"Wieviel is doch all zweimal zwei?
Und wieviel sechs, geteilt durch drei?
Dat Örschte wusst he woll ganz good
Onn ook dat Zweite ging tor Not
Onn ook noch "zwei und eins addirt"
Dat hefft he wunderschön kapirt;
Doch wie de Herr, wo examnört,
Em froog: "Was is de Hälft von Elf?"
Onn em so önn de Brüche föhrt,
Meent he: "Se meinen doch woll Zwölf !"
Doch jennem hefft dat nich geröhrt,
He antwoort em ganz kort: "0 nein,
Die Hälft von Elfe soll es sein !"
Verdutzt sitt em de Wärter an,
Wiel he dat nich begriepe kann.
Em wurd önn sienem Kopp ganz heet,
Wöscht met em Schnobbdook sek en Schweet,
Sitt wild seck römm onn sächt dabie:
"Gottschwerenot ! Nu hefft e mie !
De Räknung öss kein Kinderspäl !
Omm Läwe wa eck nich met eenig !
Segg eck nu säss, denn öss toväl,
Onn segg eck fief, denn öss to wenig !"
zum Gedichtverzeichnis
|