Verscheenerongsmöddel
von Daniel Staschus
Min Wiewke säd to mi hied morge:
"Man kann söck moake hibsch on jung
On forsch, wenn man söck deiht besorge
Een Möddel to Verscheenerong."
Toerscht, doa wull öck goar nich glowe,
Dat sölwst een ohler Schrumpelmann,
So ganz von unde rop bit boawe,
Söck ok noch goar verjönge kann.
Nu hebb öck hier ut eenem Loade
Mi gliek gekofft so eenem Kräm,
Dat schmeckte nich nach Schikoloade,
Oawer ok goar nich angenehm!
Doch noah een Wielke kunn öck sehne
Ön eenem Loadefönster good,
Dat öck begunn mi to verscheene,
Denn mine Backes wöre rot.
Öck hädd man bloß nich sulld verschlinge
Möt eenemoal den ganze Schmär,
Nu war öck mi woll noch verjönge
To minem Arger goar to sehr.
Schon deiht et wurgle on rumore
Ganz förchterlich ön minem Buk.
Harrjeh! Nu koam öck ön de Joahre,
Wo öck amend noch Wöndle bruk!
Aus: "Kuddelmuddel" von Daniel Staschus
zum Gedichtverzeichnis
|